أخبار وطنية بعد تسرب غازات برتقالية... مواطنة من قابس تتساءل: انا ميسالش اما الصغيرات شنوة ذنبهم ما عندهمش الحق يعيشو في بيئة سليمة؟
بعد تسرب غازات برتقالية من مدخنة المجمع الكميائي بقابس، عبرت مواطنة من قابس عن خيبتها مم تدهور الوضع البيئي متسائلة: "انا ميسالش اما الصغيرات شنوة ذنبهم ما عندهمش الحق يعيشو في بيئة سليمة"؟
وذكرت الأستاذة صباح خليفة ما يلي: "كيف تصب المطر الناس تفرح وتستبشر... وفي قابس كي يصب الغيث النافع نفرحو اكثر خاطر مش ديما تصب عنا ..نفرحو بكبارنا وصغارنا...
اليوم صبت المطر.. حليت الشباك السحاب فوق البحر يتوسطه لون اصفر على برتقالي قلت سبحان الله الشمس عاكسها ضوها ولا شنوة اما سرعان ما ذهلت بمرارة المشهد من الواقع الاليم ..
غازات منبثقة من مدخنة المجمع الكميائي.. هكا لونها... شنية ما نعرفش... انا ميسالش اما الصغيرات شنوة ذنبهم ما عندهمش الحق يعيشو ويترباو في بيئة سليمة ونظيفة علاش بلادنا ما تحبناش علاش يقتلولنا احلامنا علاش ما يكونش عنا وطن يطيب فيه العيش علاش ...
واقعة كغيرها توة تتنسى اما تاثيرها السيء حكر على ناس معينة فقط"..
